أغرب عيادة نفسية في العالم
"إوعي تشيل في نفسك أو تحرق دمك... الحكومة حتديك عربية تكسرها و إرتاح نفسياً" ده شعار حكومة النمسا للترويج لأغرب عيادة نفسية في العالم ❤️🇦🇹
أنا رحت جربت العيادة و العلاج بالطريقة دي و بجد مش قادر أوصف قد إيه "علاج فعال و ناجح" و حسيت إني إتولدت من جديد بعد ما خليت العربية صباع كفتة 💪
الشاب النمساوي كريستوفر "صاحب العيادة النفسية لتكسير و تحطيم العربيات" أقنع الحكومة النمساوية إن المشروع ده حيقلل الضغط العصبي و مشاكل العنف العائلي و الإكتئاب النفسي من الشغل و مشاكل تانية كتير !!!
و إن لما الواحد يبقي مكبوت و عصبي و متنرفز و مغلول من مشاكل الحياة و ضغوط الشغل و بعدين يروح عنده و يحطم عربية هدية من الحكومة بيرتاح تماماً و بيبتسم و بيخرج من عنده في سعادة و إرتياح نفسي رهيب 😂
حكومة النمسا دعمت فكرته و تعاونت معاه و بقت الحكومة تدفع تمن العلاج "تكسير العربية + أتعاب كريستوفر و فريق عمله" لكل النمساويين اللي عندهم تاريخ من الضغط النفسي تبع التأمين الصحي النمساوي !!
هل تؤيد وجود هذه الفكرة في مصر ؟
*ملحوظة: ممكن لأي واحد يروح يحجز ميعاد في العيادة دي و يدفع فلوس و يكسر العربية اللي هو عايزها.
#اغرب_عيادة_نفسية_في_العالم #النمسا #حجاجوفيتش
اشترك في قناة حجاجوفيتش الرسمية: http://bit.ly/Haggagovic
=========================
Follow me on:
https://www.facebook.com/Haggagovic/
https://www.instagram.com/haggagovic/
http://www.haggagovic.com/
https://twitter.com/haggagovic
