طبخ
الفئة الفرعية
لينك الفيديو الكامل: https://youtu.be/As3aautIO5w?si=szMre7rpiV74rP5a
تشوكليت تشيز كيك وجدي أبو الليل
🥣
المرحلة الأولى: قاعدة التشيز كيك
المقادير:
• 250 إلى 280 جم بسكويت سادة
• 2 ملعقة كبيرة كاكاو خام غير محلى
• رشة ملح
• 80 إلى 130 جم زبدة غير مملحة (حسب نوع البسكويت وامتصاصه)
الطريقة:
1 نكسر البسكويت ونحطه في الكبة.
2 نضيف الكاكاو ورشة الملح ونشغل الكبة لحد ما الخليط يتجانس.
3 نضيف الزبدة الذائبة ونخلط تاني لحد ما القوام يبقى شبه رملي متماسك.
4 نفرد الخليط في قاعدة صينية مقاس 22 أو 24 مبطنة بورق زبدة.
5 نضغط عليه كويس لتكوين طبقة متساوية.
6 ندخلها فرن مسخن مسبقًا على 150 درجة مئوية لمدة 10 دقائق لغاية ما تتحمص شوية، ونبدأ نجهز الكريمة.
🍮
المرحلة الثانية: كريمة التشيز كيك
المقادير:
• 600 جم جبنة كريمية غير مملحة
• كوب إلا ربع سكر
• 200 مل كريمة خفق سائلة
• 200 جم شوكولاتة خام مذابة
• 4 بيضات
• 1 ملعقة كبيرة فانيليا
• رشة ملح
الطريقة:
1 نضرب الجبنة الكريمية مع السكر ورشة الملح لحد ما القوام يبقى ناعم وكريمي.
2 نضيف كريمة الخفق ونكمل خفق.
3 نضيف البيض واحدة واحدة، مع الخفق بعد كل بيضة.
4 نحط الفانيليا ونخلط كويس.
5 نضيف الشوكولاتة المذابة تدريجيًا ونخلط لحد ما الخليط كله يتجانس.
6 نطلع قاعدة البسكويت من الفرن ونصب عليها الخليط.
7 نلف الصينية بورق فويل كويس من تحت.
8 نحطها في صينية أكبر فيها نصها مية مغلية (حمام مائي).
9 نخبزها على حرارة 150 درجة مئوية لمدة ساعة وربع من الأسفل + ربع ساعة من الأعلى.
10 نسيبها تبرد ساعتين في درجة حرارة الغرفة، وبعدها نحطها في التلاجة ليلة كاملة.
🍫
المرحلة الثالثة: الجناش
المقادير:
• 100 مل كريمة خفق سائلة
• 100 جم شوكولاتة خام
الطريقة:
1 نسخّن كريمة الخفق لدرجة حرارة 40–50 مئوية (دافئة مش مغلية).
2 نصبها على الشوكولاتة الخام ونقلب لحد ما يبقى القوام ناعم ولامع.
3 نصب الجناش على التشيز كيك الباردة ونفرده برفق.
4 نزيّنها بشوكولاتة بيضة أو بشر شوكولاتة أو أي ديكور نحبه.
5 نقدّمها وهي ساقعة… وبالهنا والشفا! 🍰
FOLLOW ME:
Instagram: https://www.instagram.com/wagdiaboellil
Tik Tok: https://www.tiktok.com/@wagdiaboellil
Twitter (x): https://twitter.com/lilwagdi
Facebook: https://www.facebook.com/WagdiAboEllil
Reddit: https://www.reddit.com/user/wa....gdiaboellil/submitte
linkedin: https://www.linkedin.com/in/wagdiaboellil/
Threads: https://www.threads.net/@wagdiaboellil
